Bertsoa ahoz edo paperez
bihotzaren mezulari
amodiozko hitz edo esaldi
hark ditu beti ekarri.
Ama batek bere ttipiari,
norbaitek lagunminarik.
Zoriona eta zoritxarra,
negarra edo irri.
Olerkiaren aurride dugu,
kantuaren adixkide.
Bertsoak eginak ditu orain
zenbait urte ta bide.
Plazetan edo liburuetan
eman ditu adibide,
utziz beti oroitzapenean
ainitz nahi eta xede.
Izar eguzki goian dirdira,
hitzak aldiz, bertsoetan.
loreek bukaerak ekarri,
haizeak doinuak eman.
Izerdiarekin loturik da,
batek bestea eskutan.
Bertsolaria eta xoria
beti direla airean.
Bertsoa ahoz edo paperez
bihotzaren mezulari
amodiozko hitz edo esaldi
hark ditu beti ekarri.
Ama batek bere ttipiari,
norbaitek lagunminarik.
Zoriona eta zoritxarra,
negarra edo irri. (BIS)
Donostiako hiru damatxo,
Errenterian dendari (BIS)
josten ere badakite baina
ardoa edaten hobeki
eta kriskitin kraskitin
arroxa krabelin
ardoa edaten hobeki.
Donostiako Gaztelupeko,
sagardoaren gozoa. (BIS)
hantxe edaten ari nintzela,
hautsi zitzaidan basoa
eta kriskitin kraskitin
arroxa krabelin
basoa kristalezkoa.
Donostiako hiru damatxok,
hirurak gona gorria. (BIS)
Sartzen dirade tabernan eta
irtetzen dira hordiak
eta kriskitin kraskitin
arroxa krabelin
irtetzen dira hordiak.
Donostiako hiru damatxo
Errenteriko kalian. (BIS)
Egunez oso triste ibili
baina dantzatu gauean
eta kriskitin kraskitin
arroxa krabelin
baina dantzatu gauean.
Donostiarrek ekarri dute
Getariatik akerra. (BIS)
Kanpandorrean ipini dute
aita santutzat dutela
eta kriskitin kraskitin
arroxa krabelin
Aita santutzat dutela.
Donostiako arrantzaleak
dira txit gizon bapoak. (BIS)
Gaztelupeko sagardoakin
egiten ongi tragoak
eta kriskitin kraskitin
arroxa krabelin
maiz bustirikan ahoak.